Ońtústik Koreıa KHDR-men shekarada daýys zoraıtqyshtar sanyn arttyrady
ASTANA. QazAqparat - Ońtústik Koreıa KHDR-men shekara boıynda ornatylǵan KHDR-de habar taratatyn daýys zoraıtqyshtar sanyn arttyrýǵa nıetti, dep habarlady Renhap agenttigi áskerı aqparat kózderine silteme jasap.
"Jyldyń aıaǵyna deıin KHDR-ǵa qarsy baǵyttalǵan on jańa daýys zoraıtqysh qosýdy josparlap otyrmyz", - dep habarlady sheneýnik.
Qazir memleketterdi bólip turǵan qarýsyzdandyrylǵan aımaq boıynda 11 habar taratý stansasy ornatylǵan. Ońtústik Koreıada olardy óziniń soltústiktegi kórshisine qarsy psıhologııalyq, aqparattyq jáne nasıhattyq soǵystyń mańyzdy quraldarynyń biri dep esepteıdi.
Habar taratýdy KHDR ıadrolyq qarýdy synaǵannan keıin aǵymdaǵy jyldyń qańtarynda qalypqa keltirdi.
Ázirge radıostansalar on shaqyrym jerdegi qashyqtyqty jabady. Daýys zoraıtqyshtar sany artqan soń habar taratý radıýsy keńeıedi.
foto: caravan.kz
