Ońtústik Koreıa qatań karantındik sharalardy 23 mamyrǵa deıin uzartty
Bul týraly el premer-mınıstriniń mindetin atqarýshy Hon Nam Gı juma kúni tabıǵı apattar, tótenshe jaǵdaılar jáne apattarmen kúres boıynsha Ortalyq shtabtyń otyrysynda málimdedi.
Onyń aıtýynsha, bul sheshimdi qabyldaý kezinde jańa koronavırýs oqıǵasy sanynyń azaımaýy men qadaǵalaý múmkin bolmaı jatqan juqtyrǵandar sanynyń ósý faktisi eskerildi.
Elde tórt adamnan asatyn qatysýshylary bar kez kelgen sharaǵa tyıym salynǵan. Qoǵamdyq tamaqtaný kásiporyndary, jattyǵý zaldary, salondar, karaoke, iri sýpermarketter burynǵysha keshki 10-ǵa deıin jumys isteıdi.
El bıligi kelesi aptada bolatyn merekeler kezinde otbasylyq sharalardyń kóbeıýine baılanysty juqtyrý oqıǵalarynyń ósýinen qaýiptenip otyr. Sońǵy kúnderi elde kúnine 600-700 jańa jaǵdaı tirkelýde.
