Ońtústik Koreıa karantın talabyn saqtamaǵan 17 sheteldikti deportatsııalady
SEÝL. QazAqparat – Juma kúni Koreıanyń Ádilet mınıstrligi Ońtústik Koreıada oqshaýlaý erejesin saqtamaǵan taǵy bes sheteldikti elden shyǵaryp jiberdi, dep habarlaıdy QazAqparat Yonhap agenttigine silteme jasap.
Qytaıdyń eki azamaty pen Pákistan, Polsha jáne Ulybrıtanııanyń úsh azamatyna Seýlde jańa koronavırýstyń taralýyna jol bermeý maqsatynda jarııalanǵan mindetti oqshaýlaný rejımin buzǵany úshin elderine qaıtý mindetteldi.
Mınıstrliktiń málimetinshe, deportatsııalaý týraly ókimge qosymsha, Ońtústik Koreıaǵa 1 sáýirden keıin kelip, mundaǵy oqshaýlaý tártibin buzǵan sheteldik bes azamattyń úsheýine aıyppul salynǵan.
Mindetti karantın sharasy boıynsha, shetelden keletin barlyq koreı, sheteldik azamattar úıinde nemese úkimeti belgilegen oryndarda 14 kún karantınge alynýy tıis. Eki aptalyq oqshaýlaý rejıminen bas tartqan sheteldikterge elge kirýge tyıym salynǵan, al erejelerdi buzǵandar aıyppul tólep, elden ketýi tıis.
Karantın erejesin saqtamaǵany úshin Ońtústik Koreıadan 17 sheteldik azamat deportatsııalandy. Sheteldik jeti azamattyń oqshaýlanýdan bas tartqany habarlanady. Osylaısha, Ońtústik Koreıadan deportatsııalanǵan sheteldikter sany 24 adam boldy.
Mınıstrlik taǵy toǵyz sheteldik azamattyń karantın rejımin abaısyzda buzǵany úshin ustalǵanyn málimdegen. Olarǵa aıyppul tóletilip, elde qalýǵa ruqsat etildi.
