Ońtústik Koreıa halqynyń sany alǵash ret azaıdy
Koreıa statıstıkasynyń sońǵy boljamyna sáıkes, eldiń jalpy halqynyń sany ótken jyly 51,84 mıllıonǵa jetken, al bıyl 51,75 mıllıonǵa deıin tómendedi.
Agenttiktiń sońǵy deregi 2018 jyly Ońtústik Koreıa halqynyń sany 2029 jyly azaıa bastaıdy dep boljanǵan burynǵy baǵalaýynan áldeqaıda nashar.
Ádette, halyqtyń jalpy sany týý jáne ólim derekteri negizinde esepteledi.
Qazirgi jaǵdaı el halqynyń jalpy sany 2030 jyly shamamen 51,2 mıllıonǵa deıin, al 2070 jyly 37,7 mıllıonǵa deıin azaıýy múmkin ekenin kórsetti.
Sońǵy boljam Ońtústik Koreıada tý kórsetkishiniń tómendeýi jáne tez qartaıýymen baılanysty demografııalyq máselelerdiń qordalana bastaǵandyǵyn kórsetedi.
Ótken jyly el halqy alǵash ret tabıǵı azaıýdan zardap shekti, óıtkeni ólim-jitim jańa týǵan nárestelerden asyp tústi.
2020 jyly eńbekke jaramdy halyq nemese 15 pen 64 jas aralyǵyndaǵy adamdar jalpy halyqtyń 72,1 paıyzyna jetip, 37,4 mıllıon adamdy qurady.
Eńbekke jaramdy halyq sanynyń azaıýynyń jalǵasýy eldiń ósý áleýetine nuqsan kelýi múmkin degen qaýipti týyndatyp otyr.
Ótken jyly qarttar 8,15 mıllıon adamdy nemese jalpy sannyń 15,7 paıyzyn qurasa, 2024 jyly 10 mıllıonnan, 2070 jyly 17,5 mıllıonnan asady nemese jalpy halyqtyń 46,4 paıyzyn quraıdy dep boljanýda.
