Ońtústik Koreıa eks-prezıdentiniń qurbysy úsh jylǵa sottaldy
ASTANA. QazAqparat - Ońtústik Koreıa soty eldiń burynǵy prezıdentiniń kóp jyldan beri qurbysy men keńesshisi, jemqorlyqpen baılanysty atyshýly oqıǵaǵa qatysy bar Chhve Sýn Sıldi bılikti teris paıdalanǵany úshin úsh jylǵa bas bostandyǵynan aıyrdy.
Ol basqa da aıyptaýlar boıynsha sot aldynda jaýap beredi.
Prokýrorlar Chhve Sýn Sılge óziniń qyzy Chon ıÝ Rany ýnıversıtetke ornalastyrý úshin Ońtústik Koreıanyń buryńǵy prezıdenti Pak Kyn Hemen baılanysyn paıdalanǵany úshin jeti jylǵa bas bostandyǵynan aıyrýdy talap etti. Sondaı-aq ol, tergeý deregi boıynsha, ýnıversıtet basshylyǵynan Chonǵa onyń istemegen jumystary úshin joǵary baǵa qoıýdy jáne onyń tapsyrmaǵan emtıhandaryn esepke alýdy talap etken.
Eske sala keteıik, Pak Kyn Hege qatysty daý 2016 jylǵy qazan aıynda týdy. Ol kezde basylym betterinde memleket basshysyna onyń qurbysy Chhve Sýn Sıl yqpal etip júrgeni týraly aqparat taraǵan edi. 2016 jyly jeltoqsan aıynda Ońtústik Koreıanyń parlamenti Pak Kyn Hege ımpıchment jarııalaý máselesin daýysqa saldy, al 10 naýryz kúni ony Konstıtýtsııalyq sot bekitti.
