Ońtústik Koreıa «Tsıfrly Qazaqstan» baǵdarlamasyn iske asyrýǵa kómektesedi
Búgin Astanada "elektrondy úkimet" salasyndaǵy Qazaqstan - Koreıa yntymaqtastyǵyn damytý boıynsha ashyq semınar bastaldy, dep xabarlaıdy QazAqparat tilshisi.
Aıta ketken jón, ótken jyly QR Aqparat jáne kommýnıkatsııalar Dáýren Abaevtyń Pýsan qalasyna jasaǵan sapary barysynda ekijaqty áriptestik týraly memorandýmǵa qol qoıylǵan bolatyn. Atalǵan qujat elektrondy úkimetti damytý máselelerine arnalǵan xalyqaralyq forýmda rásimdelgen. "Búgingi semınar bizdiń alǵashqy sharamyz bolyp sanalady. Biz onymen shektelmeımiz. Elektrondy úkimetti damytý salasyndaǵy áriptestigimizdi odan ári tereńdetetin bolamyz. Búginde Qazaqstandaǵy elektrondy úkimettiń ınfraqurylymy jasaqtaldy. Onyń bazalyq komponentteri iske qosyldy. Osynyń arqasynda qyzmettiń 700 túri elektrondy nusqada alýǵa bolady. 2012 jyldan beri barlyq lıtsenzııalar tek elektrondy túrde ǵana berilip keledi. Al mobıldi úkimet arqyly 80 qyzmetti paıdalanýǵa múmkindik bar. Ondaı qyzmetterdiń sany jyl saıyn artyp otyrady. Ótken jyly BUU-nyń elektrondy úkimetteri reıtıngisinde Qazaqstan 193 eldiń ishinde 33-orynǵa kóterildi", - dedi Abaev semınardyń ashylý rásiminde. Qazirdiń ózinde elimizde aqparattyq-kommýnıkatsııalyq texnologııalardy damytý jumysy oıdaǵydaı atqarylyp keledi. Atap aıtqanda, barlyq qalalarda 4G texnologııasy engizildi, xalyqtyń 73 paıyzy ınternetpen qamtylǵan, al eldiń aqparattyq texnologııalardy ıgerý kórsetkishi 74 paıyzǵa jetti.
Mınıstrdiń aıtýynsha, búginde "Tsıfrly Qazaqstan" baǵdarlamasy aıasynda elektrondy qyzmetterdi barynsha damytyp, xalyqtyń ómirin jeńildetip qana qoımaı, ál-aýqatyn da kóterý kózdelgen. Osy oraıda Koreıa sııaqty aqparattyq texnologııalary ozyq eldermen tyǵyz yntymaqtastyq ornatyp, tájirıbe almasqan mańyzdy.
Koreıanyń memlekettik basqarý jáne ishki ister vıtse-mınıstri Song Kım Rel óz kezeginde ekijaqty áriptestik baılanystardyń jemisti bolatynyna senim bildirip, aqparattyq texnologııalar arqyly el ekonomıkasyn basqarýdy barynsha tıimdi etýge ábden bolatynyn jetkizdi. Onyń aıtýynsha, búginde Koreıada xalyqtyń 80 paıyzy elektrondy úkimettiń qyzmetine júginedi. Osy saladaǵy aqparattyq texnologııalardy damytý jaǵynan káris eli úzdik meleketterdiń qataryna kiredi. "Biz aldaǵy 50 jylǵa arnalǵan baǵdarlamany ázirlep jatyrmyz. Koreıa "Smart nation", ıaǵnı "Aqyldy ultty" qalyptastyrýdy kózdeıdi. Qazaqstannyń da Ortalyq Azııada aqparattyq texnologııalardy damytý jaǵynan kósh bastap kele jatqanyn jaqsy bilemiz. Sondyqtan ózara tıimdi áriptestikti damytýǵa ázirmiz", - dedi Kım myrza.
