Ońtústik Koreıa basshysy soǵysqa ázirlenýge shaqyrdy
ASTANA. 10 naýryz. QazAqparat - Ońtústik Koreıa Prezıdenti Pak Kyn He armııa men amerıkalyq áskerı áriptesterin soǵysqa daıyn bolýǵa shaqyrdy, dep habarlaıdy 24.kz.
«Eger Soltústik Koreıa Ońtústik Koreıaǵa ıadrolyq shabýyl jasasa, Kım Chen Yn rejimi jer betinen joıylady», - delingen ońtústikkoreıalyq qorǵanys vedomstvosynyń habarlamasynda.
8 naýryz kúni Soltústik Koreıa Phenıan men Seýl arasyndaǵy shabýyl jasamaý jónindegi kelisimderden birjaqty bas tartatyny týraly málimdegen bolatyn. Bul málimdeme BUU-nyń Qaýipsizdik keńesi tarapynan 12 aqpandaǵy ıadrolyq synaqqa baılanysty KHDR-ǵa sanktsııalardy kúsheıtý jónindegi sheshiminen keıin jasaldy.
