Ońtústik Koreıa áýe shabýylyna qarsy qorǵanys boıynsha óziniń aýmaǵyn keńeıtti
ASTANA. 8 jeltoqsan. QazAqparat - Ońtústik Koreıanyń Qorǵanys mınıstri áýe shabýylyna qarsy qorǵanys boıynsha óziniń aýmaǵyn keńeıtý týraly málimdedi. Osy oraıda olar bul aýmaqqa Iodo, Marado jáne Hondo sekildi ońtústik araldardy qamtyp otyr.
Aıta keteıik, qarashanyń aıaǵynda Qytaıdyń Qorǵanys vedomstvosy Shyǵys Qytaı teńizi aıdynynda áýe shabýylyna qarsy qorǵanystyń anyqtaıtyn aýmaǵyn qurý týraly málimdegen bolatyn.
Seýl men Beıjiń syzǵan áýe qorǵanysy aýmaǵy Ońtústik Koreıa qadaǵalaıtyn Iodo araly ústinde qıylysatyn kórinedi.
Atap aıtqanda AQSh, Japonııa jáne Ońtústik Koreıa elderi Qytaıdyń áýe shabýylyna qarsy qorǵanys aýmaǵyn moıyndaýdan bas tartty. Olardyń paıymynsha, atalǵan aýmaqtyń paıda bolýy óńirdegi ahýaldy ýshyqtyrýǵa sebep boldy.
