Ońtústik Koreıa 90 eldiń azamattaryna vızasyz kirý rejımin toqtatady
NUR-SULTAN. QazAqparat - Ońtústik Koreıa 13 sáýirden bastap 90 eldiń azamattaryna vızasyz kirý rejımin toqtatady, dep habarlaıdy QazAqparat Memlekettik komıssııanyń shuǵyl shtabyna silteme jasap.
Sondaı-aq pandemııaǵa baılanysty Ispanııa memleketi elde jarııalanǵan tótenshe jaǵdaı rejımin 26 sáýirge deıin uzartýdy sheshken. Osy eldiń Premer-Mınıstri Ispanııa COVID-19 vırýsyn juqtyrýdyń eń joǵary shegine jetkenin jáne endi elde indetke shaldyǵý azaıa bastaıtynyn atap ótti.
«Qazir 1918 jylǵy tumaýdan keıin, ǵalamsharda qoǵam densaýlyǵyna zııanyn tıgizetin jaǵdaı oryn alǵanyn bilesizder. Eger vırýsqa qarsy kúreste yntymaq bolmasa, Eýropalyq odaqqa qaýip tónip tur», — dep málimdedi Ispanııa Premer-Mınıstri.
