Ońtústik Koreıa 2021 jylǵy Azııa oıyndaryn KHDR-men birigip ótkizgisi keledi
ASTANA. QazAqparat - Aradaǵy baılanysty nyǵaıtý maqsatynda, Ońtústik Koreıa 2021 jyly ótetin Azııa oıyndaryn KHDR-men birigip ótkizý máselesin saralap jatyr.
Bul týraly ońtústiktegi Kanvonda provıntsııasynyń gýbernatory Chve Mýn Sýn málimdedi, dep habarlaıdy TASS.
Mýn Sýnnyń aıtýynsha, provıntsııa 2018 Oıyndarynyń sporttyq nysandaryn ońtaıly paıdalanǵysy keledi. «Biz Olımpıada bite salysymen jumysqa kirisemiz. Bul bastama qos koreıany sport arqyly bitimgershilikke aparý jolyn jalǵastyrýǵa yqpal etedi»,-dedi ol.
9 aqpan kúni Olımpıadanyń ashylý saltanatynda Ońtústik Koreıa men QHDR birtutas Koreıa týynyń astynda birge tanystyrylǵan bolatyn. Áıelder arasyndaǵy hokkeı komandasynda da qos koreıa birigip óner kórsetti.
Qysqy Azııa oıyndary 2017 jyly Japonııanyń Sapporo qalasynda ótken. 2021 jyly Oıyndar ótetin qala 2018 jyldyń tamyzynda tańdalady.
