«Ońtústik» kóliktik - logıstıkalyq ortalyǵynda kedendik rásimdeý de júrgiziledi
Aımaq basshysy aldymen «Ońtústik» kóliktik - logıstıkalyq ortalyǵynda jańadan salynǵan «Continental Logistics Shymkent» JShS-nyń qoımalyq kesheniniń jumysymen tanysty. Zamanaýı quraldarmen jabdyqtalǵan qoıma ákimshilik ǵımaratpen, konteıner termınalymen, kedendik baqylaý aımaǵy jáne tıisti ınfraqurylymmen qamtylǵan. Joba jylyna 1 mln tonna taýar saqtaýǵa qaýqarly. «Ońtústik» kóliktik - logıstıkalyq ortalyq aýmaǵynan Kedendik rásimdeý ortalyǵyn qurý josparlanǵan. Búginde temir jol tartylyp, júk kólikteriniń kirip-shyǵýyna barlyq jaǵdaı jasalǵan.
Aımaq basshysy Nursát móltek aýdanynda salynyp jatqan turǵyn úılerdiń qurylysymen jáne abattandyrý jumystarymen de tanysty. Jalpy oblysta «Nurly jer» turǵyn úı qurylysy baǵdarlamasy aıasynda 2018 jyly jalpy aýmaǵy 730 myń sharshy metrdi quraıtyn kópqabatty turǵyn úı salý josparlanyp otyr. Búginde qarjylandyrýdyń barlyq kózderi arqyly oblysta 236 kópqabatty úılerdiń qurylysy júrgizilýde. Jyl sońyna deıin 88 kópqabatty turǵyn úı paıdalanýǵa beriledi. Al, Shymkent qalasynda 167 kópqabatty turǵyn úılerdiń qurylysy júrgizilýde. Jyl qorytyndysymen onyń 65-i paıdalanýǵa usynylady. Nysandardy aralaý barysynda aımaq basshysy aldaǵy ýaqytta júzege asyrylýy tıis jobalardy atap, jaýapty mamandarǵa birqatar tapsyrmalar júktedi. Jasalyp jatqan jumystardy budan da júıelendire túsý kerektigin tapsyrdy. ıAǵnı, ındýstrııaldy aımaqtaǵy kásiporyndardyń ónim kólemin arttyrý úshin barlyq jaǵdaı jasalý kerek ekenin atap ótti.
Aıta keteıik, «Tassaı» ındýstrııaldyq aımaǵy 2016 jyly qurylǵan. Munda aldaǵy 2 jyldyń ishinde jalpy quny 37 948,1 mlrd teńgeni quraıtyn 25 joba júzege asyrylmaq. Nátıjesinde 1631 jańa jumys orny ashylady dep kútilýde. Qazirgi tańda munda 4 joba iske qosylyp, 200-ge tarta azamat turaqty jumyspen qamtylǵan.
