«Ońtústik» qolbasshylyǵynda úzdik áskerıler baıqaýy ótti (FOTO)
ASTANA. QazAqparat - «Ońtústik» óńirlik qolbasshylyǵynyń 91678 áskerı bóliminde «Úzdik vzvod serjanty» jáne «Úzdik bólimshe komandıri» baıqaýy ótti, dep habarlaıdy QR Qorǵanys mınıstrliginiń baspasóz qyzmeti.
Baıqaýǵa 14 áskerı qyzmetshi qatysty. Baıqaý maqsaty - serjanttar men komandırlerdiń áskerı-kásibı turǵysyndaǵy daıarlyq deńgeıin anyqtaý. Kásibı daıarlyqtaryn aıqyndaý úshin áskerı-kásiptik test, atys daıarlyǵy, radıatsııalyq, hımııalyq jáne bıologııalyq qorǵaý, saptyq jáne dene daıarlyǵy, qoıan-qoltyq urys boıynsha synaq qabyldandy.
Baıqaý qorytyndysy boıynsha 91678 áskerı bóliminiń «Úzdik vzvod serjanty» ataǵy 1-shi taýly-egerlik vzvodynyń serjanty aǵa serjant Súndetbaı Nurlybaevqa berildi.
Bólimshe komandırleri arasynda 1-shi taýly-egerlik vzvodynyń serjanty Jasulan Álimbetov úzdik atandy.
Qarýly kúshterdegi mundaı baıqaýlar udaıy negizde ótkizilip turady.
