Ońtústik Qazaqstannyń shalǵaı aýyl turǵyndary Elbasy maqalasyn talqylady

ShYMKENT. QazAqparat - Ońtústik Qazaqstan oblystyq «Nur Otan» partııasynyń Maqtaral aýdandyq fılıalynda kezekten tys 29-shy konferentsııa ótti. Kópshiliktiń basyn qosqan jıynda Elbasynyń «Bolashaqqa baǵdar: rýhanı jańǵyrý» maqalasyndaǵy basymdyqty baǵyttardy aýdanda iske asyrý barysy sóz boldy, dep habarlaıdy QazAqparat tilshisi.

Konferentsııada aýdan ákimi jáne fılıal tóraǵasy Ǵalym Ismaılov maqala aıasynda júrgizilgen ister jóninde baıandama jasady. Tóraǵa jańǵyrý ıdeıasy  halyq arasynda qyzý qoldaýǵa ıe ekenin atap ótti.  Sonymen qatar, partııa múshelerinen quralǵan top Jetisaı qalasy men Asyqata, Atakent, Myrzakent eldimekenderinde belsendi  úgit-nasıhat júrgizdi.

«Elbasynyń «Bolashaqqa baǵdar: rýhanı jańǵyrý» maqalasy barlyq bastaýysh partııa uıymdary men eńbek ujymdarynda talqylandy. Aldaǵy ýaqytta da bul jumystar ary qaraı júrgiziletin bolady. Elimiz saıası reformalar men ekonomıkalyq jańǵyrtýlardy júzege asyryp, damyǵan 50 eldiń qataryna endi. Endi aldymyzda damyǵan 30 eldiń qataryna ený mindeti tur. Osy asa mańyzdy mindetterdi oryndaý úshin Memleket basshysy ǵylym, bilim men mádenıetti, tarıhty tutastaı qamtıtyn ulttyq rýhanı jańǵyrýdy usynyp otyr»,- dedi Ǵalym Ismaılov.

Jıynda partııa músheleri aldyndaǵy atqarylar jumystar anyqtaldy. Kún tártibindegi máseleler oń sheshimin taýyp, aýdandyq fılıaldyń saıası keńes quramy úsh múshemen tolyqty. El aldyndaǵy ortaq mindetti aıqyndaǵan nurotandyqtar, bas partııanyń kezekten tys 32-shi oblystyq konferentsııasyna 56 delegat saılady.