Ońtústik Qazaqstanǵa tartylatyn ınvestıtsııa kólemi 25 paıyzǵa ulǵaıady
ShYMKENT. QazAqparat - Ońtústik Qazaqstan oblysynda eksportqa baǵyttalǵan kásiporyndardyń sanyn arttyrý maqsatynda jergilikti taýar óndirýshilerdiń básekelik qabilettiligi joǵarylap, búgingi 1,1 mlrd. AQSh dollaryn quraıtyn eksporttyq aınalym 2 esege artady.
Bul týraly oblys ákimi J.Túımebaev Elbasy Joldaýy boıynsha ótken keńeıtilgen májiliste málim etti, dep habarlaıdy «QazAqparat» HAA tilshisi.
Aımaq basshysy QR Prezıdentiniń jeke jáne sheteldik ınvestıtsııa kóleminiń ekonomıkadaǵy úlesin arttyrý tapsyrmasy boıynsha oblysta 14,5 paıyz kólemindegi sheteldik ınvestıtsııany 2020 jylǵa deıin 25 paıyzǵa ulǵaıtý qajettigine toqtaldy.
«Bul úshin bizder ınvestorlarmen tyǵyz jumys júrgizip, olarǵa tıimdi jaǵdaılardy jasaýymyz qajet. Atalǵan baǵytta óńirimizde tıisti jumystar óz deńgeıinde atqarylyp otyr. Atap aıtqanda, oblystyń barlyq aýdandarynda ınvestorlarmen jumys isteıtin arnaıy mobıldik toptar qurylǵan»,- dep málimdedi J.Túımebaev.
