Ońtústik Qazaqstanda jol kólik oqıǵasynan 4 adam qaza tapty
ASTANA. Maýsymnyń 5-i. QazAqparat - Elimizdiń ońtústiginde eki jeńil kólik soqtysyp qalyp, oqıǵa saldarynan 4 adam, onyń ishinde 1 jastaǵy sábı mert boldy, taǵy tórt azamat túrli jaraqattar aldy, dep habarlady QR Tótenshe jaǵdaılar mınıstrliginiń baspasóz qyzmetinen.
TJM aqparatyna sáıkes, juma kúni Ońtústik Qazaqstan oblysyna qarasty Sholaqqorǵan-Qumkent trassasynda «Mersedes» pen «VAZ» kólikteri soqtyǵysyp qalǵan. Jol kólik oqıǵasynyń saldarynan «VAZ» kóliginiń eki jolaýshysy jáne «Mersedes» kóliginiń eki jolaýshysy sol jerde kóz jumǵan. Olardyń arasynda 1 jasar qyz da bar.
Sonymen qatar eki kóliktiń júrgizýshileri jáne 5 jasar sábı men taǵy bir jolaýshy túrli jaraqattarmen aýrýhanaǵa jetkizildi.
