Ońtústik Qazaqstanda zańsyz júrgen 37 sheteldik elden qýyldy
ShYMKENT. QazAqparat - Ońtústik Qazaqstan oblysynda «Mıgrant» jedel profılaktıkalyq is-sharasynyń úsh kúninde kóshi-qon zańnamasyn buzýdyń 920 faktisi anyqtaldy, 37 sheteldik elden shyǵaryldy, dep habarlaıdy QazAqparat tilshisi.
OQO ІІD Kóshi-qon polıtsııasy basqarmasynan málim etkendeı, 920 fakti boıynsha elimizdiń 151 jáne sheteldiń 769 azamaty ákimshilik jaýapkershilikke tartyldy. 502 quqyq buzýshyǵa eskertý jasalyp, 105 tulǵaǵa ákimshilik aıyppul salyndy.
Belgili bolǵandaı, kórshi elderdiń azamattary oblys aýmaǵyna kelgennen keıin tirkeýge turmaı, jaldamaly jumys istegen. Qujattaryn tekserý barysynda ózge de túrli kemshilikter anyqtalǵan. Nátıjesinde 276 shetel azamaty ákimshilik qamaýǵa alynyp, 106-syna el aýmaǵynda bolý merzimi qysqartyldy. Sondaı-aq qabyldap-taratý ornyna ózderimen birge qujattary joq 106 adam jetkizildi.
Oblysta kóshi-qon zańdylyqtaryn buzǵan jáne zańsyz shetel azamattaryn jumys kúshi retinde paıdalanǵan 151 jergilikti turǵyn ákimshilik jaýapkershilikke tartyldy. Mıgranttardy elden shyǵarý boıynsha sot sheshimin oryndamaǵan 6 jaıtqa qatysty sotqa deıingi tergeý amaldary júrgizilip, quqyq buzýshylarǵa 1,3 mıllıon teńgeden astam aıyppul salyndy.
