Ońtústik Qazaqstanda temekini zańsyz shyǵarǵan tutas bir zaýyt anyqtaldy - Teńgebaev

ASTANA. QazAqparat - QR Qarjy mınıstrligi Memlekettik kirister komıtetiniń tóraǵasy Ardaq Teńgebaevtyń aıtýynsha, zańsyz kásipti eski zaýytta qaıta ashqan, dep habarlaıdy QazAqparat tilshisi.

«Kúni keshe ǵana biz arnaıy sharalardy ótkizip, temeki ónimderin zańsyz shyǵarǵan tutas bir zaýytty anyqtadyq. Kádimgideı zaýyt, kásipti eski zaýyt negizinde ashyp, temeki ónimderin zańsyz shyǵaryp otyrǵan. Endi qarańyzshy, bizde temeki salasy boıynsha ondaı qaýip-qaterler joq degen túsinik bar. Áste olaı emes. Sonda ońtústik aımaqta sol zańsyz zaýyttyń ónimderi satylǵan. Sondyqtan ondaı zaýyttardy jaýyp tastasaq ta, olardy únemi tekserip otyrý qajet», - dedi Teńgebaev búgin komıtettiń jumysyn baǵalaý máselelerine arnalǵan jıynda.

Aıta keteıik, osy jıynda jekemenshik fırmanyń býxgalteri salyq komıtetiniń mádenıetsizdigi úshin Teńgebaevqa aryzdandy . Al «Sandj» zertteý ortalyǵy Memlekettik kirister komıtetiniń jumys sapasyna arnalǵan saýalnamanyń nátıjesin jarııalap, Mańǵystaý men Atyraýdaǵy memlekettik qyzmette jemqorlyq kórsetkishiniń joǵary bolýynyń sebebin jarııalady .