Ońtústik Qazaqstanda tamshylatyp sýarý qurylǵylary shyǵarylatyn boldy
ASTANA. QazAqparat - Ońtústik Qazaqstan oblysynda tamshylatyp sýarý júıesiniń qurylǵylaryn shyǵaratyn zaýyt salynady, dep habarlady ontustik.gov.kz.
Sý shyǵynyn 2-3 esege deıin azaıtatyn osynaý jobany «Golden Camel Group LTD» kompanııasy júzege asyrmaq. Óndiristik qýattylyǵy joǵary bolyp tabylatyn tehnologııalarmen jylyna 1500 ga egistik jerdi sýǵarýǵa bolady.
Kásiporyn iske qosylǵanda munda 120 jumys orny ashylady dep kútilýde.
Aıta keteıik, osy jyldyń 28-29 sáýirinde oblysymyzda ótken «Ontustik Invest-2016» halyqaralyq ınvestıtsııalyq forýmy aıasynda «Golden Camel Group LTD» kompanııasymen yntymaqtastyq týraly memorandýmǵa qol qoıylǵan bolatyn.
Túrkistan qalasynda salynatyn ınvestıtsııalyq joba ónimderin negizgi saýdalaýshylar - jergilikti aýyl sharýashylyq ónimderin shyǵarýshylar men TMD elderiniń óndirýshileri bolmaq.
Jalpy jyl basynan beri oblysta tamshylatyp sýǵarý ádisi qosymsha 6 myńǵa jýyq gektarǵa endirilip, jalpy kólemi 49,7 myń gektarǵa jetti. Bul bizdegi atalǵan jumystardyń respýblıkadaǵy úlesi 73% paıyz ekenin kórsetedi.
