Ońtústik Qazaqstanda ótken jyly 80 myńǵa tarta bala dúnıege keldi
ShYMKENT. QazAqparat - Ońtústik Qazaqstan oblysynda ótken jyly 80 myńǵa jýyq bala dúnıege kelgen. Sondaı-aq 20 myńnan asa otbasy shańyraq kótergen.
Bul týraly búgin oblystyq óńirlik kommýnıkatsııalar qyzmetinde ótken brıfıngte Ádilet departamenti basshysynyń orynbasary Meıirjan Isabekov málim etti, dep habarlaıdy QazAqparat tilshisi.
Meıirjan Isabekovtyń sózinshe, oblys kóleminde 604 zańdy tulǵa jáne 141 fılıal men ókildik tirkelgen. Kórsetilgen qyzmet túrlerinen bıýdjetke 19 mln teńgeden astam memlekettik alymdar tústi.
«Ońtústik Qazaqstan oblysynda jeke jáne zańdy tulǵalardan jyljymaıtyn múlikke quqyqtardy memlekettik tirkeýge jalpy 150 myńnan astam ótinish qabyldandy. Jyljymaıtyn múlikke elektrondy túrde tirkeý sany 49 myńnan asqan. Byltyrǵy jyldyń qorytyndysy negizinde memlekettik tirkeýden 218 mln teńge alym somasy óndirildi», - dedi Meıirjan Nurjanuly. 
