Ońtústik Qazaqstanda mereke kúnderi shıpajaı órtendi
ShYMKENT. QazAqparat - OQO-da mereke kúnderi eki órt oqıǵasy boldy, dep habarlaıdy «QazAqparat» HAA tilshisi oblystyq TJD-ǵa silteme jasap.
Onyń birinshisi Ordabasy aýdanynyń Temirlan aýylyndaǵy turǵyn úıde boldy. Qutqarýshylar ol jerden 79 jastaǵy er adamnyń máıitin tapty.
«2 qańtar kúni 10:26-da Ordabasy aýdany, Temirlan aýylynyń Sarbasov kóshesindegi 32-úıde órt boldy. Oqıǵa ornynan 1938 jyly týǵan er adamnyń denesi tabyldy. Órt 1 sharshy metrdi sharpyǵan», - delingen habarlamada.
Sol kúni Saryaǵash aýdanyndaǵy «Oksı» shıpajaıynyń aýmaǵynda órt bolǵan. Jalyn 12 metr jerdi sharpyǵan, zardap shekkender joq.
