Ońtústik Qazaqstanda «qutyrý» dıagnozynan tórt adam kóz jumdy
ASTANA. QazAqparat - Ońtústik Qazaqstan oblysynda jyl basynan beri qutyrǵan ıt tistegen tórt adam qaıtys boldy.
Mamandardyń aıtýynsha, qutyrý aýrýy boıynsha óńirde epıdemııalogııalyq jaǵdaı órship tur. Óıtkeni bıyl qaýipti dertten mert bolǵandar sany ótken jylmen salystyrǵanda kóbeıgen.
Oǵan qosa ıt tistep jaraqat alǵandardyń sany 14 myńnan asyp jyǵylady. Al veterınarlyq qyzmetkerlerdiń bergen málimeti boıynsha, zerthanalyq synama kezinde aýdandaǵy eldi mekenderde qutyrý aýrýynyń 14 oshaǵy anyqtalǵan.
«Bizdiń oblysymyz qutyrý aýrýyna qolaısyz bolyp tabylady. Bıyldyń ózinde qutyrý aýrýyna shaldyqqan tórt adam tirkelip, barlyq jaǵdaı ólimmen aıaqtaldy. Qaıǵyly faktiler Qazyǵurt, Sozaq aýdandarynda jáne Kentaý qalasy men Shymkent qalasyna qarasty Abaı aýdanynda tirkeldi», - OQO tutynýshylar quqyǵyn qorǵaý departamentiniń bas mamany Balkúmis Musaeva.
Otyrar.kz
