Ońtústik Qazaqstanda «qutyrý» dıagnozymen aýrýhanaǵa jetkizilgen 15 jastaǵy azamat qaıtys boldy - TJM
ASTANA. Jeltoqsannyń 23-i. QazAqparat - Ońtústik Qazaqstan oblysynda «qutyrý» dıagnozymen aýrýhanaǵa jetkizilgen 15 jastaǵy jasóspirim keshe, jeltoqsannyń 22-si kúni qaıtys boldy,
dep habarlaıdy QazAqparat QR Tótenshe jaǵdaılar mınıstrligine silteme jasap.
Esterińizge sala keteıik, ústimizdegi jylǵy jeltoqsannyń 15-i kúni OQO Otyrar aýdandyq juqpaly aýrýlar aýrýhanasyna Yntaly aýylynyń 15 jastaǵy turǵyny jetkizilgen bolatyn. Jeltoqsannyń 16-sy kúni azamatqa «qutyrý» dıagnozy qoıyldy.
Mınıstrlikten habardar etkendeı, naýqas seısenbi, jeltoqsannyń 22-si kúni saǵat 11.50-de aýrýhanada kóz jumdy.
Naýqaspen qarym-qatynasta bolǵan 3 adam medıtsınalyq baqylaýǵa alynyp, antırabıkalyq emder alýda.
