Ońtústik Qazaqstanda qolóner sheberleriniń kórme-jármeńkesi ótti

Kórme ortalyǵynda temirden túıin túıip, sazdy sándi buıymǵa aınaldyrǵan has sheberler bas qosty, dep habarlaıdy QazAqparat tilshisi.
 

 
 

Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyrylǵan jármeńkege oblys boıynsha 45-ten astam sheber jınalyp, ózderiniń tól týyndylaryn kópshilik nazaryna usyndy. Qazaqtyń ulttyq naqyshtaryn dáripteıtin túrli buıymdar satylymǵa shyǵaryldy. Jármeńkedegi qos shekti dombyra, torsyq, dorba, masatydan quraqtalǵan kórpeler adamnyń kóz jaýyn alady. Bul buıymdar - jádiger emes, qoldanýǵa jaramdy dúnıeler. On saýsaǵynan óner tamǵan sheberler aǵashtan jasalǵan buıymdar men bylǵarydan tigilgen buıymdaryn ákelipti. Ondaǵy buıymdardy jurt sán úshin emes  kúndelikti qoldanysqa tutynýǵa da alyp jatty. Máselen, zamanaýı ámııan, qol dorbalardy dástúrli oıýlarmen áspettep, taza bylǵarydan jasalǵan. Kórmede sheberlerdiń jasaǵan buıymdaryn arnaıy qazylar alqasy sarapqa salady. Úzdik týyndylarǵa qarjylaı júlde tapsyryldy.