Ońtústik Qazaqstanda kóktemgi sý tasqyny qaýpi seıildi
ShYMKENT. QazAqparat - Ońtústik Qazaqstan oblysynda kóktemgi sý tasqynynyń qaýpi seıildi. Alaıda aldyn alý jáne daıyndyq sharalary qatań baqylaýda qala bermek.
Bul týraly Shardara sý qoımasy men Kóksaraı sý rettegishin əýeden baqylap, Syrdarııa, Arys ózenderiniń ańǵaryn sholyp shyqqan oblys ákimi Janseıit Túımebaev málim etti, dep habarlaıdy QazAqparat HAA tilshisi.
Óńirdegi ózen ańǵarlary men sý qoımalarynyń jaı-kúıimen tanysqan aımaq basshysy Otyrar aýdanynda Túrkistan jáne Arys qalalary men Shardara, Otyrar aýdany əkimderi men oblystyq deńgeıdegi sala jetekshileriniń qatysýymen kóshpeli jıyn ótkizdi. Sý tasqynyna qarsy atqarylyp jatqan jumystardyń barysyn tyńdady. Qazirgi tańda tasqyn sýdyń aldyn alý úshin Shardara, Otyrar, Arys aýdandary men Túrkistan qalasy aýmaǵynda uzaqtyǵy 4300 metr ýaqytsha qorǵanys dambalary turǵyzylyp, 44500 dana qum toltyrylǵan qaptar qoıyldy. Osy jumystarǵa jergilikti atqarýshy organdardan - 400, tótenshe jaǵdaılar departamentinen 195 adam jáne 72 tehnıka jumyldyrylǵan. Oblystyq Tótenshe jaǵdaılar departamentiniń bastyǵy Nurbolat Derbisovtiń aıtýynsha, 467 adam, 60 arnaıy tehnıka jáne 10 júzý quraldary daıyndyqqa keltirilgen. Bul jergilikti atqarýshy organdarymen Syrdarııa ózeniniń arnasyna Ózbekstan Respýblıkasynan sekýndyna jalpy kólemi 1500-den 2000 m3/sek deıin sý tastalǵanda bolýy múmkin sý tasqyny jaǵdaıyna eseptelgen. Bir jarym aı kóleminde júrgizilgen aýqymdy jumystardyń nátıjesinde oblys kóleminde eldi mekenderdi sý basýlary oryn almaı, úlken sý qaýipsiz ótkizilýde.
Sý tasqynyna qarsy sharalardyń mán-jaıy talqylanǵan jıynda aýdan ákimderi Syrdarııa ózenindegi jáne Kóksaraı rettegishinde tolǵan sýdy aýyl sharýashylyǵy baǵytyna qoldanýǵa múmkindik beretin jobalarymen tanystyrdy. Nátıjesinde sýarmaly jerlerdi ulǵaıtý kózdelýde.
Tasqyn sýdyń aldyn alý boıynsha tıisti sharalardy tyńǵylyqty oryndaýdy júktegen oblys basshysy usynylǵan jobalardy keńinen talqylap, jasandy sý qoımalardy jasaý úshin aeroǵaryshtyq túsirilim ádisteri arqyly zerdeleýdi jáne bul jumysqa ǵalymdardy da jumyldyrý qajettigin atap, naqty tapsyrmalar berdi.
«Keleshekte sý tasqynynyń boldyrmaý jáne kóktemgi mezgildegi tasqyn sýlardy tıimdi paıdalaný úshin tabıǵı yńǵaıly saılardy toǵan retinde qoldanýǵa, tıisti bógetterdi salýǵa qala, aýdan ákimderi men tıisti mekemeler naqty usynystar engizsin.Tasqyn bolýy múmkin ózen ańǵarlaryna jaqyn mańǵa qora salynbaýyn da qadaǵalaý qajet»,- dedi Janseıit Qanseıituly
Aıta keteıik, aımaqtaǵy Arys, Keles, Badam úsh iri ózeni men 117 kishi ózen taýdan bastaý alyp, barlyǵy eldi mekender arasymen ótip, respýblıkaaralyq Syrdarııa ózenine baryp quıady. Tótenshe jaǵdaılar departamentiniń mamandary «Qazgıdromet» RMK ortalyǵynan kúndelikti málimetter alyp, oblys aýmaǵyndaǵy kóktemgi sý tasqyny jaǵdaıyna monıtorıng, boljaý jumystaryn toqtaýsyz atqarýda.
