Ońtústik Qazaqstanda qaraqshylar toby ustaldy - ІІM
ASTANA. Qańtardyń 27-si. QazAqparat /Arman Asqarov/ - quqyq qorǵaýshylar Ońtústik Qazaqstan oblysynda qaraqshylar tobyn qolǵa túsirdi.
Bul týraly búgingi brıfıng barysynda QR ІІM Til saıasaty jáne aqparat departamentiniń bastyǵy Qaýnyshbek Jumanov málim etti, dep habarlaıdy QazAqparat.
Onyń aıtýynsha, Ońtústik Qazaqstan oblysynyń ІІD Uıymdasqan qylmysqa qarsy kúres basqarmasynyń qyzmetkerleri Shymkent qalasynyń 20 jastaǵy turǵyny basqarǵan 6 adamnan turatyn qylmystyq topty ustady. Olar tapanshamen qorqytý arqyly qaraqshylyq shabýyl jasap, 4 jylqy men 63 qoıdy aıdap áketken. «Qazirgi kezde urlanǵan mal tárkilendi. Qylmystyq toptyń basshysyn ustaý kezinde odan qoldan jasalǵan jaýyngerlik tapansha tabyldy», - dedi Q.Jumanov.
