Ońtústik Qazaqstanda «Ǵasyr jasaǵan ana» aktsııasy bastaý aldy
ShYMKENT. QazAqparat - Ońtústik Qazaqstan oblysynda «Ǵasyr jasaǵan ana» aktsııasy bastaý aldy. Saıram aýdanynyń jastary osy shara aıasynda aýdandaǵy uzaq jasaǵan analardyń barlyǵyna qurmet kórsetpek, dep habarlaıdy «QazAqparat HAA tilshisi.
Anaǵa qurmet bir kúnmen shektelmeıdi. Osyny qaǵıda etken saıramdyq jastar erekshe aktsııany qolǵa aldy. Jastar ortalyǵy bastamashy bolǵan shara aıasynda aýdandaǵy jasy júzden asqan analardyń tizimi jasalyp otyr. Endi mundaı qarııalardyń týǵan kúnderin nazardan tys qalmaıtyn bolady. Jergilikti bılik ókilderi men jastar ǵasyr jasaǵan ájeılerdi quttyqtap, barlyǵyna aýdan ákiminiń quttyqtaý haty men arnaıy syılyqtaryn tapsyratyn bolady. Bul jastardy úlkendi qurmetteýge úgittep, qarttyq qamytyn kıgen jandardyń kóńilin kóterýge yqpal eteri sózsiz. Aktsııany uıymdastyrýshylar búgin alǵashqy qartty quttyqtap shyqty. Sıqym aýylynyń turǵyny Jumaqyz apa búgin 104-shi kóktemin qarsy alǵan bolatyn.
«Uzaq jasaǵan anany quttyqtaýǵa óziniń úrim-butaǵynan bólek, jastar da keldi. Týǵan kún ıesine aýdan ákiminiń sálemdesi jetkizildi. Óz kezeginde 100 jasaǵan keıýana quttyqtap kelgenderdiń barlyǵyna alǵys aıtyp, aq batasyn berdi»,- deıdi Saıram aýdany ákiminiń orynbasary Madııar Orazalıev.
Aıta keteıik, aýdandaǵy analardy ardaqtaý sharasy jyl sońyna deıin jalǵasady.
