Ońtústik Qazaqstanda «Bar meıirimimiz - balalarǵa!» sharasy barysynda 6 myń bala kıim-keshekpen qamtyldy
ShYMKENT. QazAqparat - Ońtústik Qazaqstan oblysynda Qazaqstan Respýblıkasy Táýelsizdiginiń 25 jyldyǵyna arnalǵan «25 juldyzdy kún» is-sharasy aıasynda «Bar meıirimimiz - balalarǵa!» atty qaıyrymdylyq sharasy ótti, dep habarlaıdy oblys ákimdiginiń baspasóz qyzmeti.
Jıynǵa qatysqan oblys ákimi úzdik oqý ozaty bolǵan 10 daryndy oqýshyǵa jáne erekshe bilim berýdi qajet etetin, jetim jáne ata-anasynyń qamqorlyǵynsyz qalǵan, az qamtamasyz etilgen jáne kópbalaly otbasydan shyqqan 240 balaǵa Memleket basshysynyń atynan syı-sııapat tartý etti.
Búgingi bala - eldiń erteńgi bolashaǵy degen aımaq basshysy barsha jas órenderdi mereıli merekemen quttyqtap, elimizdiń naǵyz patrıoty bolýǵa shaqyrdy.
«Keleshegin oılaǵan el urpaǵynyń tárbıesine aıryqsha qaraýy tıis. Elbasymyz árbir sábıdiń quqyǵy qorǵalýyn talap etetindigin jáne memleket ony qamqorlyǵyna alýy tıistigin atap aıtqan bolatyn. ıAǵnı biz balalardyń quqyqtary senimdi qorǵalýy úshin qajetti jaǵdaıdyń barlyǵyn jasaýǵa mindettimiz. Sondaı-aq, elimizde balalar sapaly bilim men tárbıe alý úshin qazirgi zamanǵy qural-jabdyqtarmen jaraqtandyrylǵan jańa mektepter salynýda. Bul Memleket basshysynyń keleshek urpaqqa jasaǵan qamqorlyǵy dep bilemin»,-dedi ákim.
Merekelik kóńil-kúıde bezendirilgen Saltanat saraıynda Ońtústik Qazaqstan Saz kolledjiniń úrmeli aspaptar orkestri shyǵarmashylyq týyndy oınasa, balalar shyǵarmashylyǵynan shaǵyn kórme qoıyldy. Sonymen qatar, Qazaqstan Respýblıkasy Táýelsizdiginiń 25 jyldyǵyna arnalǵan taqyryptyq taqpaqtar men «Jasa Qazaqstan» ánine fleshmob uıymdastyryldy.
Іs-sharanyń maqsaty - Qazaqstan Respýblıkasy Táýelsizdiginiń 25 jyldyq jolynda elimizdiń jetken jetistikterin baıandap, balalardy eljandylyqqa baýlý, qazaqtyń rýhanı ulttyq qundylyqtaryn, tarıhyn, mádenıetin jas urpaq arasynda nasıhattaý bolyp tabylady.
Qaıyrymdylyq is-sharasy oblysymyzdyń barlyq aýdandary men qalalarynda ótkizilip, onda 6 myń bala kıim-keshekpen qamtyldy.
