Ońtústik Qazaqstanda «B» korpýsynyń memlekettik qyzmetshilerin attestattaý bastaldy
Alǵashqylar bolyp aýdan ákimderi men basqarma basshylary tapsyryp shyqty, dep habarlaıdy QazAqparat HAA tilshisi.
Óńirde attestattaýdan ótetin 6500-ge jýyq memlekettik qyzmetshiniń alǵashqy legi synaq tapsyrdy. Jeke baǵalaý paraqshalarymen testileýge kelgen olar jeke bas quzirettiligi boıynsha baǵalandy.
«Test tapsyrdym, óttim synaqtan. Nátıjesi shyqty. Suraqtar ońaı, qıyn dúnıe kórgen joqpyn. Kúndelikti ómirde , jumys barysynda kezdesetin máseleler boıynsha durys jaýap berse bolǵany,- deıdi Memlekettik qyzmet isteri jáne sybaılas jemqorlyqqa qarsy is-qımyl agenttigi OQO boıynsha departamentiniń bas mamany Sábıt Asylbek.
Jalpy ońtústik óńiri elimizde memlekettik qyzmetshisi eń kóp aımaq retinde tirkelgen. Sáıkesinshe, olardyń kásibı biliktiligi men bilimi, mádenıettiligi de óz deńgeıinde bolýy talap etiledi. Sala mamandary bolsa bıylǵy jylǵy attestattaýdyń ereksheligi, kem-ketikterdiń aldyn alyp, qyzmettik ósýge múmkindik artatynyn aıtady.
«Basty maqsat - árbir memlekettik qyzmetkerdiń minez-qulqyndaǵy quzyrettiligin anyqtaý bolyp tabylady. Jalpy 11 quzyrettilik bar. Mysaly, memlekettik qyzmetkerdiń jumysynyń tıimdiligi, aıqyndylyǵy jáne adal qyzmet istep júrgendigin anyqtaýǵa baǵyttalǵan. Osylarǵa baǵa beriledi», - dedi oblys ákiminiń keńesshisi Ámirdın Álishev.
