Ońtústik Qazaqstanda 1300 shaqyrymnan astam jolda jóndeý jumystary bastalady

ASTANA. QazAqparat - Ońtústik Qazaqstan oblysynda bıyl 501 nysan nemese 1356,1 shaqyrym jol men kóshe, 3 jaıaý júrginshiler ótkeli jáne 12 kópirde qurylys-jóndeý jumystaryn bastaý josparlanyp otyr, dep habarlaıdy oblystyq ákimdiktiń baspasóz qyzmeti.

Joldardy damytý jumystary boıynsha bul kórsetkish ótken jylmen salystyrǵanda eki esege kóp. Jumystardy atqarýǵa bıýdjetten 26 mlrd. teńgeden astam qarjy qaralǵan.

 

Atap aıtqanda, 2017 jyly 11 nysan, ıaǵnı 50,7 shaqyrym jol men 3 jaıaý júrginshiler ótkeli jańadan salynsa, 17 nysan - 59,9 shaqyrym jol qaıta jańarýdan ótedi. 97,6 shaqyrym jol men 4 kópir (13 nysan) kúrdeli jóndeýden ótip, 1147,9 shaqyrym jol men 8 kópir (460 nysan) ortasha jóndeýden ótetin bolady. Munan bólek, qazyna qarjysy oblystyq mańyzdaǵy 4330,3 shaqyrym avtomobıl joldary men 32 jobany ázirleýge (426,8 shq.) uqsatylmaq. 

 

Eske salsaq, ótken 2016 jyly 305 nysan nemese 640,9 shaqyrym jol men kósheler jáne aıaqjoldardyń qurylys-jóndeý jumystary júrgizilgen edi. Taratyp aıtsaq, uzyndyǵy 30,8 shaqyrym jol (6 nysan) jańadan salynsa, 27,1 shaqyrym jol (17 nysan) qaıta jańarýdan ótti. 23 nysanǵa (148,6 shq.) kúrdeli jóndeý jumystary jasalsa, 259 nysan (434,4 shq.) ortasha jóndelgen. 

Munan bólek, byltyr Shymkent qalasynyń Qapal batyr kóshesindegi 1 temirjol ótkeli men oblys aýmaǵyndaǵy 17 kópir paıdalanýǵa tapsyrylǵan bolatyn.