Ońtústik Qazaqstan jáne Qyzylorda oblystary 680 tonnaǵa jýyq aýyl sharýashylyq ónimin usynady
ASTANA. QazAqparat - Elordada Ońtústik Qazaqstan jáne Qyzylorda oblystarynyń taýar óndirýshileri «Mega» SOO aldyndaǵy alańda ótetin jármeńkede 680 tonnaǵa jýyq aýyl sharýashylyq ónimin satady, dep habarlady astana.gov.kz.
Astana qalasy Aýyl sharýashylyq basqarmasynyń basshysy Áset Qurmanǵalıevtyń aıtýynsha, jármeńkede áleýmettik mańyzy bar taǵam túrleri, atap aıtqanda kartop, pııaz, qyzanaq, qııar jáne t.b. kókónis túrleri, et, balyq, kondıterlik ónimder usynylady.
Taýarlar naryqtyq baǵadan 15-20 paıyzǵa arzan satylady.
Aıta keteıik, qazirgi tańda Astanada azyq-túlik baǵasyn turaqtandyrý maqsatynda apta saıyn aýyl sharýashylyq jármeńkesi uıymdastyrylyp keledi. Jármeńke elordanyń úsh aýdanynda: «Almaty» aýdanynda - Abylaı han dańǵyly men B. Momyshuly dańǵylyndaǵy Oqýshylar saraıynyń aldyndaǵy alańda, «Esil» aýdanynda Saýran kóshesindegi Halyqqa qyzmet kórsetý ortalyǵynyń aldyndaǵy alańda, «Saryarqa» aýdanynda - Bógenbaı batyr dańǵylyndaǵy «Kóktem» SO uıymdastyrylady.
