Ońtústik Qazaqstan prokýratýrasy zańsyz oıynhana zaldarynyń jumysyn toqtatty
ShYMKENT. Aqpannyń 26-sy. QazAqparat /Tatıana Pylaeva/ - Ońtústik Qazaqstan oblysynda prokýrorlyq tekserýdiń nátıjesinde astyrtyn jumys istep kelgen oıynhana zaldarynyń jumystary toqtatyldy. Olardan zańsyz jumys istep kelgen oıynhana avtomattary men rýletkalar tárkilendi,
dep habarlady oblystyq prokýratýranyń baspasóz qyzmetinen.
«Prokýratýra júrgizgen tekserýdiń qorytyndysy boıynsha: Shymkent qalasynda 100 oıyn avtomaty men 6 rýletka, Túrkistanda - 1 oıyn avtomaty men 1 rýletka tárkilendi. Sondaı-aq, oıynhanalardyń aınalymynda bolǵan jalpy somasy 600 myń teńge aqsha tárkilendi», - dep habarlady oblys prokýratýrasynyń baspasóz hatshysy Tamara Ótelbekova. Onyń aıtýynsha, qazirgi tańda tekserýler jalǵasýda, onyń qorytyndysy týraly prokýratýra qosymsha habarlamaq.
