Ońtústik Qazaqstan oblysynyń veloshabandozy Astana kýbogyn jeńip aldy
ASTANA. 3 maýsym. QazAqparat - Búgin Báıterek monýmenti mańaıynda elorda kúnine arnalǵan buqaralyq velojarystyń kezekti kezeńi ótip, Astana kýbogynyń ıegeri anyqtaldy.
Velojarystyń ózi keshe jekeleı syndardan bastalǵan bolatyn. Onda Soltústik Qazaqstan oblysynyń veloshabandozy Bogdan Gapochenko jeńimpaz atandy. Búgin bolsa, 3 shaqyrymdyq krıterıým-jarysy ótti. Onyń qorytyndysy boıynsha Ońtústik Qazaqstan oblysynyń sportshysy Vlad Mohovıkov oq boıy ozyq shyǵyp, Astana kýbogyn ıelendi. Ekinshi orynda - Bogdan Gapochenko (Soltústik Qazaqstan oblysy), al úshinshi oryndy Arman Týrlın (Soltústik Qazaqstan oblysy) qanaǵat tutty.
Aıta keteıik, kásibı veloshbandozdar úshin jarys áli de jalǵasýda. 4-5 shilde kúnderi taǵy 60 jáne 64 shaqyrymǵa toptyq jarystar ótedi.
