Ońtústik Qazaqstan oblysynyń sýarmaly egistikterin sýmen qamtamasyz etýde qıyndyqtar týyndap otyr - Sý resýrstary komıteti
ASTANA. Tamyzdyń 13-i. QazAqparat - Ońtústik Qazaqstan oblysynyń sýarmaly egisterin sýmen qamtamasyz etýde qıyndyqtar týyndap otyr.
«Dostyq» arnasymen bıylǵy jyly kelisilgen sý kóleminiń tek 31 paıyzy ǵana jetkizildi. Úkimetaralyq kelisimge sáıkes, sýdy ótkizý arqyly óndiriletin energııany qyrǵyz tarapy «KEGOK» AQ, «QTJ» AQ jáne OQO-ǵa jetkizýi tıis. «Alaıda OQO ákimshiligi birde bir kılovatt elektr energııasyn satyp almaǵan. Al energııany alatyn qalǵan paıdalanýshylar satyp alýdy tek ishinara iske asyrǵan»,-delingen QR AShM Sý resýrstary komıtetiniń baspasóz baıanynda.
Sýǵa baılanysty jaǵdaıdy ýshyqtyrmas úshin sýarmaly egisterge arnalǵan sýdy jetkizýshi eldermen Úkimet aldyn ala kelissózder júrgizýde. Máselen, ótken jyldyń jeltoqsanynda Qyrǵyzstan men Qazaqstan úkimetteri arasynda «540,0 mln. kVt/saǵat kóleminde energııa jetkizgeni úshin 2009 jylǵy jeltoqsannyń 31-inen keshiktirmeı Qazaqstan qyrǵyz jaǵyna 18,36 mln. AQSh dollary somasyndaǵy qarjyny aldyn ala tóleıdi» degen kelisimge qol qoıylǵan bolytyn. Kelisimge sáıkes Qyrǵyzstan 2009-2010 jyldardaǵy kúzgi-qysqy kezeńde Toqtaǵul sý qoımasynan sekýndyna 600 tekshe metr kóleminde ortasha táýliktik sý ótkizilimin qamtamasyz etedi. Ózara qaryzdardy retteý úshin kórshiles el 5 mln. dollardan astam qarjy aldy. «Alaıda, sýdy ótkizý arqyly óndirilgen energııany Qazaqstan satyp almaı jatyr degendi syltaý jasap, Bishkek óziniń mindetterin oryndamaı otyr», - delingen baspasóz baıanynda.
Atap aıtqanda, Ońtústik Qazaqstan oblysynyń dıqandary qıyn jaǵdaıǵa kezigip otyr, sebebi maqta daqyldarynyń pisip jetilýi kezeńinde sý kóp kólemde qajet bolady.
Osy qalyptasyp otyrǵan jaǵdaıdy QR Aýyl sharýashylyǵy mınıstrliginiń jaýapty hatshysy Evgenıı Aman Úkimet basshysynyń birinshi orynbasary Ómirzaq Shókeevke baıandady. Onyń sózine qaraǵanda, shildeniń 20-21-inde «KEGOK» AQ josparlanǵan 6,75 mln. kVT/s-niń oryna tek 4,08 mln. kVt/s-ni satyp alǵan.
Al «Qazaqstan temir joly» AQ josparlanǵan 3,05 mln. kVt/s-niń ornyna 1,7 mln. kVt/s-ni satyp alǵan, sondaı-aq Ońtústik Qazaqstan oblysy tıesili 4,93 mln. kVt/s energııany múldem almaǵan. Bunyń saldarynan «Dostyq» sý arnasynan kelisilgen sekýndyna 215 tekshe metrdiń ornyna barsha kelemniń tek úshten bir bóligi ǵana - sekýndine 68 tekshe metr ótkizilgen. Osyǵan sáıkes maqtaaraldyq dıqanshylar ylǵaldy tıisti kólemde almady.
«KEGOK» AQ men «QTJ» AQ jáne OQO ákimshiligine kórshilerden elektr energııasyn tolyq kólemde satyp alý tapsyryldy. 2010 jyldaǵy ósimdik ósetin mezgilde elimizdiń ońtústik óńirlerindegi sýarmaly jerlerdi sýmen qamtamasyz etý máselesi Ó. Shókeevtiń jeke baqylýyna alyndy.
