Ońtústik Qazaqstan oblysynda jolaýshylardyń baqylaýsyz tasymalyna tosqaýyl qoıyldy
ASTANA. Sáýirdiń 29-y. QazAqparat -2010 jylǵy sáýirdiń 27-de QR Kólik jáne kommýnıkatsııa mınıstrliginiń bastamasymen Ońtústik Qazaqstan oblysynyń ákimdigi salyq komıteti ókilderiniń, sonymen birge Ońtústik Qazaqstan oblysy tasymaldaýshylarynyń qatysýymen keńeıtilgen jınalys ótkizdi,
dep habarlaıdy QazAqparat atalmysh mınıstrliktiń baspasóz qyzmetine sildteme jasap.
Jınalystyń maqsaty - jolaýshylar jáne júkti avtomobıl kóligimen tasymaldaýdy uıymdastyrýdaǵy máseleler boıynsha ortaq is-qımyldardy pysyqtaý, kórsetilgen tasymal túrin joǵary órkenıetti arnaǵa burý, sonymen birge olardy júzege asyrý úshin jaǵdaı týdyrý.
Birlesken jumystyń qajettiligi jolaýshylar tasymalynyń rynogynda qalyptasqan shıryqqan jaǵdaıǵa baılanysty.
Búgingi kúni eń basty problemalardyń biri tasymaldaýshylar adamdar kóp jınalǵan oryndardaǵy zańsyz turaqtardan baqylaýsyz tasymal jasaý bolyp otyr.
Mundaı avtobýstardyń kóptegen júrgizýshileri eńbek jáne demalys rejımin saqtamaıdy, reıs aldyndaǵy tehnıkalyq jáne dárigerlik baıqaýdan ótpeıdi, tabys tabýdy ǵana kózdep, qaýipsizdiktiń qarapaıym prıntsıpteri men erejelerin saqtamaıdy. Bul óz kezeginde apattyq jaǵdaıǵa alyp keletini belgili.
Statıstıka boıynsha aǵymdaǵy jyldyń birinshi toqsanynda respýblıkada jolaýshylar avtobýsynyń qatysýymen 84 jol-kólik oqıǵasy tirkeldi, nátıjesinde 26 adam mert boldy, 109 adam jaraqat aldy.
Ońtústik Qazaqstan oblysynyń tańdalynyp alynýy da tegin emes, sebebi onda jeke menshik aýlalar men qonaqúı aýmaqtaryndaǵy turaqtardan zańsyz jóneltilimderdi júzege asyrý ózekti problemaǵa aınalyp otyr.
Oblysta Shymkent -Almaty, Shymkent - respýblıkanyń soltústik óńirleri baǵyty boıynsha kúndelikti 100 avtobýsqa deıin jiberiletin 20 zańsyz jóneltilim turaqtary qyzmet etedi.
Memlekettik, sondaı-aq jergilikti atqarýshy organdardyń qabyldaǵan sharalaryna qaramastan, jolaýshylar tasymaly qyzmetin kórsetý rynogyndaǵy jaǵdaı shıelenisti.
Osyǵan oraı jolaýshylar tasymalyndaǵy problemalardy nátıjeli túrde sheshý maqsatynda Kóliktik baqylaý komıteti men Ońtústik Qazaqstan oblysynyń ákimdigi arasyndaǵy Ózara yntymaqtasý týraly Memorandýmǵa qol qoıý, sonymen birge jolaýshylar tasymalyn retteýge baǵyttalǵan birlesken is-sharalar josparyn ázirleý jóninde sheshim qabyldandy.
Sondaı-aq jınalys barysynda Kóliktik baqylaý komıtetiniń tóraǵasy Ádilet Bármenqulov kólik qyzmetiniń rynogyn órkenıetti jaǵdaıǵa keltirýge baǵyttalǵan, avtobýstardyń jáne zańsyz oryndardaǵy jolaýshylar jóneltiliminiń reıdtik tekserisin ótkizýdi qarastyratyn salyq organdarymen birlesken is-sharalardyń ótkiziletindigi jóninde habarlady.
Osylaısha baqylaýshy jáne jergilikti atqarýshy organdardyń ózara yntymaqtastyǵy jolaýshylar kóliginiń apatqa jol berýin azaıtý jáne salyq túsimderiniń máselesin sheshý boıynsha utymdy sheshim bolyp tabylady.
