Ońtústik Qazaqstan oblysynda TMD elderinde balamasy joq zaýyt iske qosyldy.
Shymkent. QazAqparat - Ońtústik Qazaqstan oblysyndaǵy «Tassaı» ındýstrııaldy aımaǵynda «Marai E7 Group» zaýyty iske qosyldy. TMD elderi boıynsha balamasy joq óndiris ornynyń ashylý saltanatyna oblys ákimi Janseıit Túımebaev qatysty, - dep habarlaıdy «QazAqparat» HAA tilshisi.
Kásiporynda ońtústik koreıalyq tehnologııa paıdalanylady. Joba boıynsha zaýyttan 17 túrli polıýretandyq medıtsınalyq buıymdar shyǵarylady. Atalǵan ónim túrleri ártúrli synyq-jaraqatta qoldanylady. Sondaı-aq olar jeńildiligimen, elastıkalyq, ıilgishtigimen, rentgen ótkizgishtikpen erekshelenip, 20 mınýtqa deıin qatady.
«Óndiris ornynyń el naryǵyn tolyqtaı qamtamasyz etýge qaýqary bar. Jalpy quny 393 mln teńgeni quraıtyn kásiporynda 50 jumys orny ashylyp, jergilikti turǵyndar turaqty jumys ornymen qamtylyp otyr. Qazirdiń ózinde «Marai E7 Group» zaýytynyń daıyn ónimine suranys joǵary bolýda», - dedi oblys ákimi J.Túımebaev.
Aǵymdaǵy jyly «SK-Farmatsııa» JShS-men 10 jylǵa uzaq merzimdi kelisimge qol qoıyldy. Sonymen qatar kásiporyn óz ónimderin Túrkııa, Ózbekstan jáne Qyzǵyzstan elderine eksporttaý boıynsha kelissózder júrgizýde.
Aınur Aqbaeva
