Ońtústik Qazaqstan oblysynda órt saldarynan 2 jasar sábı qaza tapty
ASTANA. Maýsymnyń 3-i. QazAqparat - Ońtústik Qazaqstan oblysynyń Maqtaaral aýdanyna qarasty Jetisaı qalasyndaǵy jeke úıden shyqqan órt kezinde 2 jasar búldirshin qaza tapty,
dep habarlady QR Tótenshe jaǵdaılar mınıstrliginiń baspasóz qyzmetinen.
Órt týraly dabyl maýsymnyń 2-si kúni saǵat 00:15-te Qojanov kóshesinen túsken. Tilsiz jaý 12 sharshy metr aýmaqty qamtyǵan. Órt sóndirý barysynda kúıik shalǵan 2 jasar qyz aýrýhanada kóz jumdy. Jalyn tili bir saǵat ótkennen keıin QR TJM Ońtústik Qazaqstan oblystyq tótenshe jaǵdaılar departamenti órt sóndirý qyzmetiniń kúshimen aýyzdyqtaldy.
