Ońtústik Qazaqstan oblysynda mal soıǵandar saryp aýrýyn juqtyrǵan
ShYMKENT. QazAqparat - Ońtústik Qazaqstan oblysynda jyl basynan beri bes adam saryp aýrýyna shaldyqqan. Mamandar olardyń barlyǵy juqpaly aýrýdy mal soıǵanda juqtyrǵanyn aıtady, dep habarlaıdy QazAqparat HAA tilshisi.
Óńirlik Tutynýshylar quqyǵyn qorǵaý departamentiniń bas mamany Balkúmis Musaevanyń sózinshe, jergilikti halyq negizinen mal sharýashylyǵymen aınalysatyndyqtan mundaı jaǵdaıdar kezdesip turady. Ásirese, mal soıǵanda turǵyndar saqtyq sharalaryn qoldanbaıdy.
«Bir aıdyń ózinde bes jaǵdaı tirkelip otyr. Onyń ishinde 2 naýqas Ordabasy aýdanynyń, ózgeleri Tólebı, Sozaq, Otyrar aýdanynyń turǵyndary. Búginde sarypty juqtyrǵandarmen birge bolǵan aýyl turǵyndary tıisti medıtsınalyq tekserýlerden ótýde. Sondaı-aq óńirdegi bazarlar men saýda oryndarynda satylyp jatqan et, sút ónimderiniń sapasy qatań baqylaýǵa alynǵan», - dedi B.Musaeva.
Ázirge satylymǵa shyǵarylǵan et ónimderinen saryp aýrýy kezdesken joq. Dese de mamandar jergilikti halyqqa qoldan et, sút ónimderin almaýǵa keńes beredi.
Aıta keteıik, ótken jyly óńirde saryp aýrýyn juqtyrý boıynsha 279 jaǵdaı tirkelgen. Degenmen bul kórsetkish 2015 jylmen salystyrǵanda 27 paıyzǵa tómen.
