Ońtústik Qazaqstan oblysynda qutqarý jumystary jalǵasýda
ASTANA. 5 naýryz. QazAqparat - Qazirgi ýaqytta Shymkent qalasynda sý basyp qalǵan kósheler men aýlalardy sýdan aryltý boıynsha jumystar júrgizilip jatyr.
Túrkistan qalasynda, Úlgili, Abaı jáne Babaıqorǵan eldi mekeninde qorǵaý úıindileri qurylyp jatyr, eldi mekenderden sýdy aryltý úshin 650 qapshyq topyraq tóseldi.
Alǵabas aýyl okrýgi men Báıdibek aýdanynyń Qazata jáne Shaqpaq aýylynda aryqtardy tazartý jáne buzylǵan aryq kanaldaryn bekitý boıynsha jumys júrgizildi.
Ordabasy aýdanynda sý basyp qalǵan kóshelerdi sýdan aryltý boıynsha jumystar júrgizildi. Sonymen qatar QR TJM №28237 áskerı bóliminiń kúshimen Naıman-Aryq aryǵyn jaǵalaı kúzetý júrgizilip jatyr.
Tólebı aýdanynyń Sarqyrama eldi mekeninde 2,8 shaqyrymdyq sý aǵyzý arnasynyń aryǵy salynyp jatyr. Aıta keteıik, búginde onyń 1600 metri salyndy. Qaratóbe aýyldyq okrýgi men Maıbulaq, Baldyberek jáne Tóńkeris eldi mekeninde qardy tazalaý jumystary júrip jatyr. Badam ózeniniń jaǵasyn bekitý úshin shaqpaq tas qoldanylýda.
Sý basyp qalýdyń aldyn alýǵa baǵyttalǵan shara - Sozaq aýdanynda ótkizilýde. Sondaı-aq Sholaqqorǵan eldi mekeniniń janyndaǵy bóget 2 metrge sozylyp, 3 metri bekitildi. Sozaq eldi mekeninde sý basyp qalǵan 30 úı men 50 sharýa qojalyǵyna baılanysty 1100 adam qaýipsiz aımaqqa kóshirildi.
Oryn alǵan tótenshe jaǵdaıdy joıýǵa 1147 adam, 222 tehnıka men júzý qurylǵylarynyń 21 birligi jumyldyryldy.
