Ońtústik Qazaqstan oblysynda «Kazakh Invest» ókildigi óz jumysyn bastady
ASTANA. QazAqparat - Bıyl maýsym aıynan bastap Ońtústik Qazaqstan oblysynda elge sheteldik ınvestıtsııalar tartý jáne osy baǵyttaǵy jumysty uıymdastyrý maqsatynda «Kazakh Invest» Ulttyq kompanııasy" AQ óńirlik ókildigi jumys isteı bastady, dep habarlaıdy oblystyq ákimdiktiń baspasóz qyzmeti.
Óńirlik ókildik Ońtústik Qazaqstan oblysynyń aýmaǵynda ornalasqan sheteldik kompanııalardyń basshylarymen, sondaı-aq aımaqta óndirisin bastaýǵa nıetti áleýetti ınvestorlarǵa qajetti qoldaý kórsetý maqsatynda birqatar kezdesýler ótkizdi. Qazirgi tańda birqatar shetel kompanııalarymen kelissózder júrgizilip jatyr.
Aıta keteıik, «Kazakh Invest-tiń» negizgi mindeti árbir ınvestıtsııalyq jobany ıdeıadan daıyn ónim shyǵarýǵa deıin tolyq qoldaý bolyp tabylady. Óńirlik ókildik sheteldik ınvestorlarǵa «bir tereze» prıntsıpi arqyly qoldaý bildirip, kelisim jáne vızalyq ruqsattamalar alýǵa kómektesedi. Sonymen qatar sheteldik ınvestorlar úshin jergilikti jobalardyń derekter bazasyn qalyptastyrýmen aınalysatyn bolady.
