Ońtústik Qazaqstan oblysynda 439,1 mlrd teńgege ónerkásiptik ónim shyǵarylǵan

ASTANA. QazAqparat - Jyl basynan beri Ońtústik Qazaqstan oblysynda 439,1 mlrd teńgege ónerkásiptik ónim shyǵarylǵan. Bul týraly búgin Ortalyq kommýnıkatsııalar qyzmetinde ótken baspasóz máslıhatyna Ońtústik Qazaqstan oblysy ákiminiń orynbasary Ulasbek Sádibekov habarlady.

«Memleket basshysy júrgizip otyrǵan saıasattyń arqasynda oblystyń gúldenýine bar jaǵdaı jasalǵan, halyqtyń ál-aýqaty jaqsaryp, alǵa qoıǵan barlyq mindetter júzege asyrylyp keledi. Ekonomıkanyń naqty sektorynda bıyl da oń protsester baıqalýda», - deıdi U.Sádibekov.

OQO ákiminiń orynbasary keltirgen derekterge sáıkes, 2017 jyldyń alǵashqy 7 aıynyń qorytyndysy boıynsha, ónerkásiptik ónim kólemi 439,1 mlrd teńgeni qurady. Bul kórsetkish ótken jylǵy kezeńmen salystyrǵanda 100,3%-ǵa ósken. 2015-2019 jyldarǵa arnalǵan ındýstrııalandyrý kartasynyń ekinshi besjyldyǵy aıasynda jalpy somasy 47,1 mlrd teńgeni quraıtyn 47 joba iske asyrylyp, 1650 jańa jumys orny ashyldy. Al bıyl 1,7 mlrd teńge bolatyn 3 joba júzege asyrylǵan.

Jyl sońyna deıin ónerkásip ónimi kólemin 850 mlrd teńgege jetkizip, 2,1 %-ǵa deıin ósirý josparlanǵan.