Ońtústik Qazaqstan oblysy jylý berý maýsymyna daıyndyqty pysyqtady

ASTANA. QazAqparat - Ońtústik Qazaqstan oblysynyń 2016-2017 jyldardaǵy jylý berý maýsymyna daıyndyq barysy» týraly oblystyq energetıka jáne turǵyn úı-kommýnaldyq sharýashylyq basqarmasynyń basshysy M.Maraım aımaq basshysynyń aldynda baıandama jasap, búgingi jaǵdaıdy aıtyp berdi, dep habarlaıdy OQO ákimi apparatynyń baspasóz qyzmeti.

Basqarma basshysynyń aıtýynsha, jalpy Ońtústik Qazaqstan oblysy boıynsha 3272 bıýdjettik mekemelerdiń aldaǵy jylý maýsymyna 3269-y daıyn.                  

Áleýmettik salalardaǵy 3 nysanda kúrdeli jóndeý jumystary júrýde, osy  jyldyń 20 qazanyna tolyq bitirý kózdelgen.

Oblystaǵy 3272 bıýdjettik mekemelerdegi 1108 kishi qazandyqtardyń 374-ne, onyń 13 kúrdeli jáne 361 aǵymdaǵy jóndeý jumystary josparlanǵan.  Jalpy daıyn bolǵany 372.  Tek Báıdibek aýdanynda mádenıet salasyndaǵy 2 mekemeni osy jyldyń 20 qazanyna deıin tolyq aıaqtaý josparlanǵan.

Oblys boıynsha 50,4 shaqyrym jylý qubyrlaryn qaıta qurý jáne aǵymdaǵy jóndeý jumystary josparlanǵan, oryndalǵany 48,9 shaqyrym. Qalǵany osy aıdyń  on besine deıin tolyq aıaqtalady. Aldaǵy jylý maýsymyna oblystaǵy bıýdjettik mekemelerge qatty otyn (kómir) qajettiligi 170,2 myń tonna, suıyq otyn (dız.otyn) qajettiligi   9,2 mln. lıtr. Onyń barlyǵy tolyq tasymaldanǵan.       Oblystaǵy ortalyqtandyrylǵan jylýmen qamtamasyz etiletin 2278 kópqabatty turǵyn úılerdiń 2172-i jylytý maýsymyna tolyq daıyn.