Ońtústik Qazaqstan oblystyq soty jańadan taǵaıyndalǵan sýdıalarmen tolyqty

Sot tóraǵasy Nurserik Sháripov oblystyq sottyń sýdıalaryna áriptesterin tanystyrdy, dep habarlaıdy QazAqparat HAA tilshisi.

N.Sháripov sýdıalardy «Qazaqstan Respýblıkasy sottarynyń tóraǵalaryn, sot alqasynyń tóraǵasy men sýdıalaryn qyzmetke taǵaıyndaý jáne qyzmetten bosatý týraly» QR Prezıdentiniń 2017 jylǵy 20 aqpandaǵy № 426 Jarlyǵymen tanystyrdy. Onda jańadan taǵaıyndalǵan sýdıalardyń tizimi berilgen. Sottyń baspasóz qyzmetinen málim etkendeı, olardyń qatarynda Aıda Baıturova, Báıdibek Dúısebekov, Klara Jappasova, Gúlmıra Qydyrbaeva jáne Tamara Smaılovalar bar. Atalmysh sýdıalar buǵan deıin qyzmetterin aýdandyq sottarda atqarǵan.

Nurserik Kárimuly jańadan taǵaıyndalǵan sýdıalardyń eńbegine toqtalyp, olardyń burynǵy jumys oryndarynda jaqsy kórsetkishterge jetkenin atap ótti. Sondaı-aq  jańa qyzmetine sáttilik tilep, sot tóreligin júzege asyrý sapasyn arttyrýdy jáne azamattardyń sotqa degen senimin nyǵaıtýdy tapsyrdy. Eń bastysy, zań ústemdigin saqtaı otyryp, sot júıesine adal qyzmet etý qajettigin qadap aıtty.