Ońtústik Qazaqstan MJÁ jobalaryn iske asyrýda kósh basynda keledi
ShYMKENT. QazAqparat - Ońtústik Qazaqstan oblysy memlekettik-jekemenshik áriptestik (MJÁ) aıasyndaǵy jobalardy júzege asyrýda kósh basynda keledi. Búgingi tańda óńirde quny 9,3 mlrd teńgeniń 13 jobasyna jeke áriptes anyqtalyp, kelisimsharttar jasaldy, dep habarlaıdy QazAqparat HAA tilshisi.
13 jobanyń 8-i - bilim berý, 3 - sport jáne 2 densaýlyq saqtaý nysandaryn salýǵa qatysty. Búginde 8 jobanyń qurylysyn júrgizýge konkýrs jarııalansa, 5-eýi boıynsha qurylys jumystary bastalyp ketken. 
Jalpy túzilgen kelisimsharttar sany boıynsha oblys respýblıkada aldyńǵy qatarda. Aıta ketsek, MJÁ aıasyndaǵy taǵy 20 jobanyń tıisti qujattary ázirlenýde. Máselen, Shymkent qalasynda onkologııalyq jáne Shymkent qalasyndaǵy 200 oryndyq ońaltý ortalyqtarynyń qurylysy, «Qaýipsiz qala», Shymkent jáne Túrkistan qalalalarynyń kóshelerin jaryqtandyrý jáne taǵy da basqa jobalardy iske asyrý josparlanyp otyr.
