Ońtústik Qazaqstan, Qyzylorda oblystarynda 28 maýsymda shań kóterilip, daýyl turady dep kútilýde
ASTANA. 27 maýsym. QazAqparat - Qazaqstannyń basym bóligi tsıklon jáne atmosferalyq aǵyndardyń yqpalynda qala bermek, keı jerlerde ótkinshi jańbyr jaýyp, naızaǵaı jarqyldaıdy, burshaq jaýýy múmkin, uıytqyǵan jel soǵyp, birqatar aımaqtarda shań kóterilip, daýyl turady.
Bul týraly Qazgıdrometke silteme jasap, QR TJM baspasóz qyzmeti habarlaıdy.
Eldiń batys bóliginde jaýyn-shashyn bolmaıdy. Soltústik Qazaqstan, Qaraǵandy, Jambyl oblystarynda keı jerlerde 15-20 m/s jel soǵady, kúndiz keı jerlerde burshaq jaýýy múmkin.
Qostanaı, Aqmola, Pavlodar, Shyǵys Qazaqstan, Almaty oblystarynda, kúndiz Batys Qazaqstan oblysynda keı jerlerde jel 15-20 m/s-qa kúsheıedi, Qostanaı oblysynda túnde tuman túsedi.
Ońtústik Qazaqstan, Qyzylorda oblystarynda keı jerlerde shań kóterilip, daýyl turady.
Atyraý oblysynda, Batys Qazaqstan oblysynyń keı jerlerinde qatty ystyq bolady dep kútilýde.
Respýblıkanyń batysynda, soltústik-batysynda keı jerlerde tótenshe joǵary órt qaýpi saqtalady.
