Ońtústik Qazaqstan elordanyń 20 jyldyq mereıtoıyn alty aı atap ótedi

ShYMKENT. QazAqparat -  Ońtústik Qazaqstan oblysynda «Bolashaqqa baǵdar: rýhanı jańǵyrý» baǵdarlamasyn iske asyrý barysy talqylandy. Aımaq basshysynyń orynbasary Ulasbek Sádibekovtiń tóraǵalyǵymen ótken májiliske barlyq aýdan, qala ákimderiniń orynbasarlary men ishki  saıasat bólimderiniń basshylary jáne baspasóz hatshylary qatysty, dep habarlaıdy QazAqparat tilshisi.

Ulasbek Sádibekuly eń aldymen, Elbasynyń latyn álipbıine kezeń-kezeńimen ótý týraly Jarlyǵyna sáıkes atqarylatyn jumystardyń kúsheıtiletinin atap ótti.

«Elbasy qazaq tili álipbıin latyn grafıkasyna kóshirý týraly Jarlyqqa qol qoıdy. Jarlyqtyń tolyq nusqasy "Egemen Qazaqstan" gazetinde jarııalanyp otyr.   Onda «Qazaq tili álipbıiniń 2025 jylǵa deıin latyn grafıkasyna kezeń-kezeńimen kóshýin qamtamasyz etsin; osy Jarlyqty iske asyrý jóninde ózge de, sonyń ishinde uıymdastyrýshylyq jáne zańnamalyq sıpattaǵy, sharalar qabyldasyn» delingen. Endeshe, búginnen bastap, osy Jarlyqtyń oryndalýyn baqylaýǵa alyp, barshashamyz jumyla jumys isteýimiz qajet», - dedi Ulasbek Sádibekuly.

Jıynda sondaı-aq Astana qalasynyń 20 jyldyq mereıtoıy qarsańynda atqarylatyn is-sharalar josparyn ázirleý men aýdan, qala ákimdikterindegi BAQ quraldarynyń belsendiligin arttyrý máseleleri talqylandy.

Oblysta «Rýhanı jańǵyrý» baǵdarlamasynyń júzege asyrylýy jóninde jáne Qazaqstan Respýblıkasynyń elordasy - Astana qalasynyń  20 jyldyǵyna daıyndyq boıynsha oblystyq ishki saıasat basqarmasy basshysynyń mindetin atqarýshy Sábıt Isabaı baıandama jasady. Onyń aıtýynsha, búgingi tańda oblysta «Rýhanı jańǵyrý» baǵdarlamasy aıasynda 1127 is-shara ótkizilip, oǵan 720 myńǵa jýyq adam qatysty. Máselen, «Týǵan jer» baǵyty aıasynda 66 joba, 121 is-shara júzege asyrylýda.

Ekinshi másele - Astana  qalasynyń 20 jyldyq mereıtoıy qarsańynda bekitilgen tujyrymdamaǵa sáıkes oblystyń is-sharalar josparynyń jobasy ázirlengen. Jıyn barysynda barlyq aýdan, qalalarǵa óz is-sharalar josparyn ázirleý júkteldi. Atalǵan is-shara úsh kezeńnen turýy qajet. Birinshi daıyndyq kezeńi - 2017 jylǵy 10 jeltoqsanǵa deıin, ekinshi daıyndyq kezeńi - 2017 jylǵy 10 jeltoqsannan bastalyp, 2018 jyldyń 6 shildesine deıin belgilenip otyr. Úshinshi kezeń - 2018 jylǵy 6 shildeden 31 jeltoqsanǵa deıingi aralyqty quraıdy.

Jıyndy qorytqan oblys ákiminiń orynbasary Ulasbek Sádibekov «Rýhanı jańǵyrý» baǵdarlamasynda naqtylaǵan 6 baǵyt boıynsha barlyq aýdan, qalalarǵa kýratorlar bekitilgenin málim etti. Sondaı-aq ol jınalǵandardy baǵdarlamanyń der kezinde iske asýyna kúsh salýǵa shaqyrdy.