«Ońtústik Qaraturyn» ken ornyndaǵy órt: Turǵyndar úshin qaýip joq
«2023 jyly 9 maýsymda Mańǵystaý oblysyndaǵy «Ońtústik Qaraturyn» ken ornynda bolǵan órtten keıin barlyq qolda bar resýrstar jumyldyryldy. Órt saldaryn joıý úshin «Bozashy munaı» JShS, kásibı áskerılendirilgen avarııalyq-qutqarý qyzmetiniń «Aq Beren» Mańǵystaý oblystyq fılıaly, «Órtke qarsy qyzmet & Fare Safety» JShS jáne basqa da kompanııalardyń basshylyǵynan shtab quryldy. Oqıǵanyń sebepterin anyqtaý úshin Tótenshe jaǵdaılar mınıstrligi Ónerkásiptik qaýipsizdik komıteti departamentiniń basshylyǵymen arnaıy komıssııa jasaqtaldy. Sondaı-aq halyqaralyq Halliburton jáne Schlumberger kompanııalarymen keńesý barysynda apatty joıýdyń túrli tásilderi qarastyryldy», - delingen Mańǵystaý oblystyq ekologııa departamentiniń Instagram paraqshasynda jarııalanǵan aqparatta.
Departament málimetinshe, №303 uńǵymadaǵy apatty joıý aǵyp jatqan gazdyń janýy jáne basqa da jaǵdaılarǵa baılanysty tehnıkalyq turǵyda kúrdeli. Egjeı-tegjeıli taldaýdan keıin №303 janyp jatqan uńǵymaǵa qysymdy tómendetý úshin №305 baǵyttamaly uńǵymany burǵylaý týraly sheshim qabyldanǵan.
«Mamandar jaǵdaıdy muqııat baǵalap, qazirgi ýaqytta turǵyndar úshin qaýip joq ekenin rastaıdy. Sonymen qatar, atmosferalyq aýany júıeli túrde ólsheý júrgiziledi. Ken orny eldi mekenderden edáýir qashyqtyqta ornalasqan: Aqtaýdan 350 shaqyrym jáne jaqyn mańdaǵy Shebir eldi mekeninen 70 shaqyrym», -dep naqtylaıdy vedomstvodan.
Aıta keteıik, ken ornynda barlaý jumystaryn «Bozashy munaı» kompanııasy júrgizedi. Órt kezinde burǵylaý jumystary júrgizilgen. Onyń barysynda gaz-sý qospasy bólinip, tutaný oryn alǵan. Merdiger kompanııanyń barlyq qyzmetkerleri dereý evakýatsııalanǵan. Gaz óndirý jumystary júrgizilmegenine qaramastan, «Bozashy munaı» kompanııasy zańǵa sáıkes apatty joıý boıynsha barlyq shyǵyndardy óz moınyna alyp otyr.
Buǵan deıin Mańǵystaý oblysyndaǵy «Ońtústik Qaraturyn» ken ornyndaǵy órt qyrkúıekte sónýi múmkin ekenin jazǵan edik.
