Ońtústik Kalıfornııa ýnıversıtetin 96 jastaǵy eń qart túlek bitirdi
ASTANA. QazAqparat - Ońtústik Kalıfornııa ýnıversıtetin 96 jastaǵy eń qart túlek bitirdi, dep habarlady https://informing.ru.
Alfonso Gonsales Ekinshi dúnıejúzilik soǵysqa qatysqan. Ol endi Ońtústik Kalıfornııa ýnıversıtetiniń eń qart túlegi bolyp otyr.
Ol oqýyn 1953 jyly bitirýge tıis edi, alaıda eńbek etip júrgendikten, onyń sáti túspedi.
AQSh teńiz jaıaý áskeri, 1945 jyly Japonııada soǵysqa qatysty, ol 88 jasynda túpkilikti zeınetkerlikke shyqqannan keıin úzilip qalǵan oqýyn aıaqtaýǵa bekindi.
Ýnıversıtet ardagerdi gerontologııa mektebine qabyldady. Onda adamnyń qartaıýynyń ártúrli qyrlary oqytylady. Gonsaleske oqý orny arnaıy oqý baǵdarlamasyn jasady. Ol ózinen 70 jas kishi stýdenttermen aralasady, 1947 jylǵy sabaqqa barǵan sómkesine oqý quraldaryn salyp alady.
Ońtústik Kalıfornııa ýnıversıtetiniń dekany ardagerge dıplom tapsyrý kezinde sóılegen sózinde Alfonso Gonsales oqyp-bilim alý qaı ýaqytta da kesh emes ekenin álemge dáleldedi, dep atap ótti.
