Ońtústik Kalıfornııa taýlaryndaǵy qarly boran 13 adamnyń ómirin qıdy
San-Bernardıno okrýginiń polıtsııasy ár qaıǵyly jaǵdaıdy jeke tergep jatyr. Bul ólimderdiń tek bireýine ǵana aýa raıynyń qolaısyzdyǵynan bolǵan jol-kólik apaty sebep bolǵany anyqtaldy.
23 aqpanda Ulttyq meterologııa qyzmeti San-Bernardıno taýlarynda keıingi otyz jylda tirkelmegen qarly boran bolatynyn eskertti. Áýelde sınoptıkter 1,5 shaqyrym bıiktikte qalyńdyǵy 150 sm bolatyn qar jaýady dep boljaǵan.
Qarly boran saldarynan Kalıfornııada aqpannyń sońynan naýryzdyń basyna deıin buryn-sońdy bolmaǵan qar jaýdy. Taýly aımaq turǵyndary óz úılerinde qar qursaýynda qalyp nemese qalyń qar saldarynan úılerine jete almaı qalǵandyqtan 27 aqpanda San-Bernardıno okrýgi tótenshe jaǵdaı jarııalady.
Tipti San-Bernardıno turǵyndary qar basyp qalǵan úılerinen 14 kún boıy shyǵa almaı, azyq-túliksiz qalǵan oqıǵalar kezdesken.
Orındj okrýginde bastaýysh jáne orta mekteptiń 600-ge jýyq oqýshysy úılerine qaıta almaǵandyqtan demalysta oqý ornynda qalýǵa májbúr boldy.
Gýbernator ákimshiliginiń málimeti boıynsha, brıgada San-Bernardıno okrýginiń tasjoldarynan 5,5 mln tekshe metr qardy tazalaǵan. Bul 2270 olımpıadalyq júzý basseıniniń kólemimen birdeı.
