«Ońtústik - dostyq mekeni» kerýeni jolǵa shyqty

ShYMKENT. QazAqparat - Ońtústik Qazaqstan oblystyq Qazaqstan halqy Assambleıasynyń «Ońtústik - dostyq mekeni» kezdesýler kerýeni búgin jolǵa shyqty. Quramyna ǵalymdar, oblystyq «Qoǵamdyq kelisim» KMM mamandary, jastar uıymdarynyń jetekshileri engen kerýen 11-14 shilde aralyǵynda óńirdiń barlyq aýdan, qalalarynda turǵyndarmen kezdesedi, dep habarlaıdy QazAqparat HAA tilshisi.

Kerýendegiler Elbasynyń «100 naqty qadam» - Ult jospary aıasynda qazaqstandyq birtektilikti, qoǵamdyq kelisim men birlikti, «Bolashaqqa baǵdar: rýhanı jańǵyrý» maqalasynda aıtylǵan maqsattar men mindetterdi nasıhattamaq. Aqparattyq-nasıhattyq toptyń alǵashqy kezdesýleri Túrkistan, Kentaý qalalary men Báıdibek, Sozaq aýdandarynda ótedi dep josparlanǵan.

Aıta ketý kerek, dástúrge aınalǵan «Ońtústik - dostyq mekeni!» jobasy oblysta bıyl úshinshi ret uıymdastyrylyp otyr.