Ońtústik dıqandaryna nesıelendirýdiń jańartylǵan baǵdarlamasy tanystyryldy
ShYMKENT. QazAqparat - Ońtústik Qazaqstan oblysy ákimdiginde kóktemgi egis jáne egin jınaý jumystaryn nesıelendirýdiń jańartylǵan baǵdarlamalaryn tanystyrý maqsatynda arnaıy jıyn ótti.
Sharaǵa aýdan basshylarynyń orynbasarlary men aýyl sharýashylyǵy salasynda eńbek etip júrgen 100-ge jýyq kásipker qatysty, - dep habarlaıdy QazAqparat HAA tilshisi.
Óńirde bıylǵy kóktemgi egis jumystaryna respýblıkalyq bıýdjet esebinen 60 mlrd teńge bólinip otyr. Al, «Agrarlyq nesıe korporatsııasynyń» tikeleı qaryz alýshylary úshin nesıeniń jyldyq mólsherlemesi 3 paıyzdy quraıdy. ıAǵnı paıyzdyq mólsherleme byltyr 5 paıyz bolsa, bıyl ol 2 paıyzǵa tómendetilgen.
«Eger nesıe ekinshi deńgeıli bankter arqyly berilse, qaryz alýshy úshin nesıe mólsherlemesi 6 paıyzdan aspaıdy. Al eger qarjylandyrý kredıttik seriktestikter men mıkroqarjy uıymdary arqyly úlestirilse, nesıe mólsherlemesi 8 paıyzdan joǵary bolmaıdy»,- dedi «Agrarlyq nesıe korporatsııasy» AQ óńirlik damý departamentiniń basqarýshy dırektory Aıjan Kenjebaeva.
Bul qomaqty qarjy úsh baǵytta jumsalmaq. Birinshi baǵyt - ekinshi deńgeıli bankterdiń kepildigimen Agrarlyq nesıe korporatsııasynan 40 mlrd teńge bólinedi. Ekinshi baǵyt - fermerlerdi ekinshi deńgeıli bankter arqyly qarjylandyrý. Bul baǵytqa 15 mlrd teńge qarastyrylyp otyr. Úshinshi baǵyt - nesıelik seriktester jáne mıkroqarjylyq uıymdar arqyly qarjylandyrý.
Sondaı-aq bıyl basym daqyldarǵa da nesıe belgilendi. Bar qarajattyń 20 paıyzǵa jýyǵy maıly daqyldarǵa, shamamen 5 paıyzy arpaǵa jáne 75 paıyzy basqa daqyldarǵa baǵyttalýy tıis. Basymdyq berilgen daqyldar boıynsha kóktemgi egis jumystaryn nesıelendirý 1 sáýirge deıin sozylady, odan ári qalǵandary qarjylandyrylmaq.
Eske sala keteıik, osy jyldan bastap kóktemgi egis jumystaryn júrgizýdi nesıelendirý máselelerimen, ınvestıtsııalyq jobalardy qarjylandyrýmen «Agrarlyq nesıe korporatsııasy» AQ aınalysatyn bolady. Qazirdiń ózinde ótinish qabyldaý bastaldy. Qazaqstannyń barlyq oblysy boıynsha kóktemgi egis jumystaryn nesıelendirýdiń jańartylǵan baǵdarlamasyn tanystyrý 22 aqpanǵa deıin jalǵasady.
